Nyoman Santosa negak di abinge sambilanga ngetis. Suryane
suba lingsir, suba minggek kauh, nanging panese ngenter
kabebeng gulem uli kangin. Angine milu buduh. Saget dedeh,
saget baret griang-griung. Dikenkene mapulekan ngampehang
don kayune tuh sambeh mabrarakan kema mai. Kato masih
kenehne Nyoman Santosa, bingung paling, buyar buka gedahe
pantigang. Sedih kenehne ningehang pitutur memenne tuara
maang ngalanturang sekolahanne. Nirdon rasanne ia ngietang
malajah, nganti maan bintang pelajar tingkat Sekolah Dasar,
nanging pamuputne nyangklek tuara nyidaang ngalanturang
sekolahanne, baan lacurne tuara ada anak nanggung. Pitutur
gurunne dugas perpisahane tur magiang ijazahe, sanget
ngaptiang apang muride makejang nerusang malajah sasidan-
sidan, sateked-tekede baan nutug ngalih kabisan. Apa buin
jani suba liu ada sekolahan, tongos malajahang raga apang
mani puan tusing maselselan. Akuda baana ngasih-asih
memenne, nanging Men Madu tetep cutet pasautne, tusing
nyidaang mekelin pianakne lakar nerusang sekolahanne ka
kota. Ento awananne Nyoman Santosa sedih. Yadiapin keto ia
tusing engsap ngarit sambilanga ngangonang sampinne ane
sedeng ngelah godel cenik. Sampinne iteh ngamah padang
disisin telabahe. Godelne bejit malaib kema mai, cara tusing
rungu teken kasedihanne Nyoman Santosa negak nyiksik awak
ngalih upaya mangdene nyidaang nerusang sekolahanne.
Busan-busan ia nolih cekelan padangne marerod di
pundukane, cara muride mabaris ngantiang pituduh gurune
nunden macelep ka kelase malajah. Ento awananne Nyoman
Santosa bangun, nuduk padange tur penpena ka keranjange
dadi ategen. “Guru…..guru”, keto masliaban di kenehne. Saget
tumbuh kapastian kenehne lakar nerusang sekolahanne ka
S.G.B., sawireh sekolahane merluang guru ane lakar
ngajahang teked ka desa desa. Sekolah guru maan ikatan
dinas, dadinne tusing perlu memenne tuyuh-tuyuh ngalihang
bekel masekolah. Buina sasubane tamat S.G.B. pasti ia lakar
dadi guru. Nah, baanga, tusing baanga teken memenne,
dinane mani ia lakar luas ka Klungkung naftar di S.G.B. Keto
kaputusan kenehne, Nyoman Santosa nyaluk tegenanne tur
nyemak sampinne kadandan mulih. Godelne malaib didori
ngender inanne. Nyoman Santosa bingkih, bengkuk tundunne
negen padang. Nanging ia tan marasa baat baan leganne
nepukin sampinne mokoh magenyolan.
Yen terimana di S.G.B., sampinne lakar pakadasanga malu
teken panyakape gumentos nyandang adep, anggon meli
sepeda utawi anggon menahin umah. Tan marasa di jalan,
tau-tau ia suba teked jumah. Guleme sayan matuptup. Kerug
kelepeg saling sambungin. Busan-busan kilap lan tatite
maceder ngresresin manah. Sasubane suud madaar, Nyoman
Santosa negak di ampike sambilanga nyebit tiing. Memenne
negak di arepanne iteh ngulat sok. Adinne jumah meten
gendang-gending macecangkriman sambilanga malajah.
Ujane sayan bales. Sreyokanne malaib-laib ampehang angin.
Damar templeke moyagan kebar-kebir katempuh angin
nanging tuara ja mati.
Sawatara ajam ujane nget. Langite masriak galang. Katak lan
enggunge pesu ngongkek pacelengkung. Paut teken ketelan
capapane sayan langah kletak-kletik nepen don-donane ane
ulung di natahe. Gendingan adinne siep, saget suba
nyelempang masare leplep gati. Nyoman Santosa busan-
busan nyarere memenne lakar ngomongang ujud kenehne
lakar masekolah ka Klungkung. Nanging ia tuara nyidaang
pesu munyi. Ento awananne memenne matakon aris : “Man,
tingalin meme cai jag osah tuara neh negak. Apa ane ada
kenehang, sakitang? Orahang ja teken meme”.
Nyoman Santosa nolih memenne. Nanging tonden pesu
munyinne, enggalan yeh paningalanne maluan ngetel. Laut ia
ngeling sigsigan. Memenne dadi bareng sedih tumuli ngurut-
ngurut pianakne, saking asih.
“Apa sujatine kenehang cai, Man?”
Nyoman Santosa mekek angkihanne, ngelekang elingne apang
nyidaang masaut. “Meme, da nyen meme pedih teken tiang,
sawireh keneh tiange ten dadi baan tiang neptepin. Tiang lakar
nerusang masekolah ka Klungkung. Yen meme tusing nyidaang
mekelin, depang tiang lakar masuk di S.G.B. Sekolah guru ane
maan sangu uli Pamerintahe. Yen tamat uli S.G.B buin pidan
tiang lakar dadi guru. Dumadak apang tiang maan tugas
jumah deriki” keto munyinne Nyoman Santosa sada alon
ngasih-asih teken memenne.
“Oooh, dadinne cai tusing ngidepang munyin memene, apang
jumah ajak meme bareng lacur, keto? Awak wang tani,
kanggoang ja dadi kutun pundukan. Suba orahang meme, cai
sing ja lakar dadi Punggawa apa. Jani nagih dadi guru. Nah,
lamun keto kanggona keneh Nyoman padidi. Adep suba
sampine anggon bekel luas. Meme sasidan-sidan lakar ngajak
adine jumah. Lamun nu koangan, adep suba carike ane a-don
kelor ento. Anak cai ngelahang, patamaina teken bapane.”
Keto munyin memenne sada sogol tumuli bangun nglaut
mulihan, magablug masare nyangkutin adinne, Ketut Shanti.
Nyoman Santosa negak mapangsegan, bengong tan
maklisikan ningeh munyin memenne buka keto. Bengong-
bengong inget teken lacur, tur sedih inget teken tusing ngelah
bapa. Ngetel yeh paningalanne mawastu nerawang kenehne
inget teken ane suba-suba liwat.
Sujatinne, memenne kaliwat tresna teken dewekne, wireh
tusing ada nyen buin ane tohina teken memenne sajaba
Nyoman Santosa ajak adinne, Ketut Shanti. Bapanne suba
matinggal tusing makelosasubane belinne makadadua mati
karebut, masiat baan marebutin Gusti Ayu Adi.
Dugas ento belinne mara matuuh pitulas tiban, kembar,
madan Wayan Madu lan Made Madi. Makadadua jemet
magarapan tur liu ngelah timpal. Mula ririh tur bias ngalap
asor, mawanan Wayan Madu piliha teken krama Subake dadi
Klian Subak, ngentinin bapanne.
Made Madi briyukina teken truna trunine dadianga Ketua
Rukun Truna-truni banjar Darmajatine. Subak Buntehe kasub
baan trepti pembagian yehne. Teked ka tanggun telabahe rata
carike maan yeh, wawanan tusing ada ane nulak sumur
Empelane ane malu nganggon batu guling, jani suba magenti
baan dam beton tur masemen nyalig. Sabilang cakangan
muang pateluan lan pempatan telabahe nganggo beton tur
padum yehe miturut linggah carike suang-suang. Gotong
royong karma subake mawuwuh-wuwuh. Mamula, manyi,
makejang subake ane ngarapin. Upahnyane kakumpulang di
lumbung subake, bareng teken cacakan suwinih lan urunan
binih. Dadandane lan pipis pacikreme kanggon kembulan
usaha simpan pinjam. Ngataun sabilang Usaha Dimal utawi
Usaba Sri belianga celeng, purak dum buronang anggon ngawe
banten. Sajawaning ento sabilang nyumunin ngeek katuju
sasih karo, subake mapag yeh sambil malegan-legan
matimpungan be guling, sate, lan lawardi Bedogol empelane
ajak a-subak luh muani, cerik kelih pada girang. Lumbung
subake liu ngelah simpenan padi. Karma subake ane tusing
ngelah binih, kakurangan sangu utawi ngelah gae nadak,
nganten, kematian dadi nyilih malu di lumbung. Di subane
manyi mara ngulihang baan padi mimbuh panakne acekel ane
selae butus, utawi apersen yen itung baan pipis. Ento
awananne karma subake pada manut teken sapangarah
Wayan Madune. Jaga bayane ngalanglang di carike, magilir
sabilang peteng dadua-dadua. Ingon-ingon ane ngaricakin
pamula-mulaane, kakenen dadandan Rp100,- Sajawaning ento
buin wenang masilihin manut karusakanne. Ento awananne
carik wawengkon subak Buntehe trepti, sumungkemteken
awig-awig subake.
Duaning Made Madi ane satata getar sumringah, teteh tutur
lan alep danglep idepne, pascat tanpa cacat, dadianga
pamucuking truna-trunine di Banjar Darmajati. Yen tuuh saja
nguda, apa buin among tamatan Sekolah Dasar. Nanging buat
katajepanne tan bina kadi ipun I lalang. Cucud rajin malajah
ring sang wikan. Buku-buku Agama, wariga, kakawin lan
Usada mapinti di kamarne. Apa buin bapanne mula ketah,
kasumbung balian ane siket tur darma asih. Tan ngitung
peteng lemah lan ujan angin yen suba nulungin anak sakit.
Ento awananne matadah cara tuara rungu teken umah padidi
tuduh, uwug pacetel maraab langit. Sabilang mulih tengah
lemeng satata kurenanne ngomel; pepes intipa teken panak-
panakne luh muani raraosanne sengit.
“Bapanne, sasai kene dogen luas semengan mulih peteng.
Buin pidan bapanne maan ngajah pianak, mituturin ane madan
beneh pelih.”
“Ah, kenkenang beli nyen, Man. Semengan beli suba ka carike
magarapan, mara makire mulih saget ada anak teka ngidih
ubad. Beli amung matulung baan keneh. Dini tonden ada
Dokter, apa buin Rumah Sakit. Perawate di Poliklinik tonden
nyidaang nekain anake sakit di desa-desa ane joh di bukite lan
di carike.”
“Beneh, yen perawat utawi dokter ane magajih buina
madagang ubad tusing nyidaang nelokin anak sakit, ngengken
dadi beli ane maan sen tepu, gasek? Buina ……….
(masambung…………
suba lingsir, suba minggek kauh, nanging panese ngenter
kabebeng gulem uli kangin. Angine milu buduh. Saget dedeh,
saget baret griang-griung. Dikenkene mapulekan ngampehang
don kayune tuh sambeh mabrarakan kema mai. Kato masih
kenehne Nyoman Santosa, bingung paling, buyar buka gedahe
pantigang. Sedih kenehne ningehang pitutur memenne tuara
maang ngalanturang sekolahanne. Nirdon rasanne ia ngietang
malajah, nganti maan bintang pelajar tingkat Sekolah Dasar,
nanging pamuputne nyangklek tuara nyidaang ngalanturang
sekolahanne, baan lacurne tuara ada anak nanggung. Pitutur
gurunne dugas perpisahane tur magiang ijazahe, sanget
ngaptiang apang muride makejang nerusang malajah sasidan-
sidan, sateked-tekede baan nutug ngalih kabisan. Apa buin
jani suba liu ada sekolahan, tongos malajahang raga apang
mani puan tusing maselselan. Akuda baana ngasih-asih
memenne, nanging Men Madu tetep cutet pasautne, tusing
nyidaang mekelin pianakne lakar nerusang sekolahanne ka
kota. Ento awananne Nyoman Santosa sedih. Yadiapin keto ia
tusing engsap ngarit sambilanga ngangonang sampinne ane
sedeng ngelah godel cenik. Sampinne iteh ngamah padang
disisin telabahe. Godelne bejit malaib kema mai, cara tusing
rungu teken kasedihanne Nyoman Santosa negak nyiksik awak
ngalih upaya mangdene nyidaang nerusang sekolahanne.
Busan-busan ia nolih cekelan padangne marerod di
pundukane, cara muride mabaris ngantiang pituduh gurune
nunden macelep ka kelase malajah. Ento awananne Nyoman
Santosa bangun, nuduk padange tur penpena ka keranjange
dadi ategen. “Guru…..guru”, keto masliaban di kenehne. Saget
tumbuh kapastian kenehne lakar nerusang sekolahanne ka
S.G.B., sawireh sekolahane merluang guru ane lakar
ngajahang teked ka desa desa. Sekolah guru maan ikatan
dinas, dadinne tusing perlu memenne tuyuh-tuyuh ngalihang
bekel masekolah. Buina sasubane tamat S.G.B. pasti ia lakar
dadi guru. Nah, baanga, tusing baanga teken memenne,
dinane mani ia lakar luas ka Klungkung naftar di S.G.B. Keto
kaputusan kenehne, Nyoman Santosa nyaluk tegenanne tur
nyemak sampinne kadandan mulih. Godelne malaib didori
ngender inanne. Nyoman Santosa bingkih, bengkuk tundunne
negen padang. Nanging ia tan marasa baat baan leganne
nepukin sampinne mokoh magenyolan.
Yen terimana di S.G.B., sampinne lakar pakadasanga malu
teken panyakape gumentos nyandang adep, anggon meli
sepeda utawi anggon menahin umah. Tan marasa di jalan,
tau-tau ia suba teked jumah. Guleme sayan matuptup. Kerug
kelepeg saling sambungin. Busan-busan kilap lan tatite
maceder ngresresin manah. Sasubane suud madaar, Nyoman
Santosa negak di ampike sambilanga nyebit tiing. Memenne
negak di arepanne iteh ngulat sok. Adinne jumah meten
gendang-gending macecangkriman sambilanga malajah.
Ujane sayan bales. Sreyokanne malaib-laib ampehang angin.
Damar templeke moyagan kebar-kebir katempuh angin
nanging tuara ja mati.
Sawatara ajam ujane nget. Langite masriak galang. Katak lan
enggunge pesu ngongkek pacelengkung. Paut teken ketelan
capapane sayan langah kletak-kletik nepen don-donane ane
ulung di natahe. Gendingan adinne siep, saget suba
nyelempang masare leplep gati. Nyoman Santosa busan-
busan nyarere memenne lakar ngomongang ujud kenehne
lakar masekolah ka Klungkung. Nanging ia tuara nyidaang
pesu munyi. Ento awananne memenne matakon aris : “Man,
tingalin meme cai jag osah tuara neh negak. Apa ane ada
kenehang, sakitang? Orahang ja teken meme”.
Nyoman Santosa nolih memenne. Nanging tonden pesu
munyinne, enggalan yeh paningalanne maluan ngetel. Laut ia
ngeling sigsigan. Memenne dadi bareng sedih tumuli ngurut-
ngurut pianakne, saking asih.
“Apa sujatine kenehang cai, Man?”
Nyoman Santosa mekek angkihanne, ngelekang elingne apang
nyidaang masaut. “Meme, da nyen meme pedih teken tiang,
sawireh keneh tiange ten dadi baan tiang neptepin. Tiang lakar
nerusang masekolah ka Klungkung. Yen meme tusing nyidaang
mekelin, depang tiang lakar masuk di S.G.B. Sekolah guru ane
maan sangu uli Pamerintahe. Yen tamat uli S.G.B buin pidan
tiang lakar dadi guru. Dumadak apang tiang maan tugas
jumah deriki” keto munyinne Nyoman Santosa sada alon
ngasih-asih teken memenne.
“Oooh, dadinne cai tusing ngidepang munyin memene, apang
jumah ajak meme bareng lacur, keto? Awak wang tani,
kanggoang ja dadi kutun pundukan. Suba orahang meme, cai
sing ja lakar dadi Punggawa apa. Jani nagih dadi guru. Nah,
lamun keto kanggona keneh Nyoman padidi. Adep suba
sampine anggon bekel luas. Meme sasidan-sidan lakar ngajak
adine jumah. Lamun nu koangan, adep suba carike ane a-don
kelor ento. Anak cai ngelahang, patamaina teken bapane.”
Keto munyin memenne sada sogol tumuli bangun nglaut
mulihan, magablug masare nyangkutin adinne, Ketut Shanti.
Nyoman Santosa negak mapangsegan, bengong tan
maklisikan ningeh munyin memenne buka keto. Bengong-
bengong inget teken lacur, tur sedih inget teken tusing ngelah
bapa. Ngetel yeh paningalanne mawastu nerawang kenehne
inget teken ane suba-suba liwat.
Sujatinne, memenne kaliwat tresna teken dewekne, wireh
tusing ada nyen buin ane tohina teken memenne sajaba
Nyoman Santosa ajak adinne, Ketut Shanti. Bapanne suba
matinggal tusing makelosasubane belinne makadadua mati
karebut, masiat baan marebutin Gusti Ayu Adi.
Dugas ento belinne mara matuuh pitulas tiban, kembar,
madan Wayan Madu lan Made Madi. Makadadua jemet
magarapan tur liu ngelah timpal. Mula ririh tur bias ngalap
asor, mawanan Wayan Madu piliha teken krama Subake dadi
Klian Subak, ngentinin bapanne.
Made Madi briyukina teken truna trunine dadianga Ketua
Rukun Truna-truni banjar Darmajatine. Subak Buntehe kasub
baan trepti pembagian yehne. Teked ka tanggun telabahe rata
carike maan yeh, wawanan tusing ada ane nulak sumur
Empelane ane malu nganggon batu guling, jani suba magenti
baan dam beton tur masemen nyalig. Sabilang cakangan
muang pateluan lan pempatan telabahe nganggo beton tur
padum yehe miturut linggah carike suang-suang. Gotong
royong karma subake mawuwuh-wuwuh. Mamula, manyi,
makejang subake ane ngarapin. Upahnyane kakumpulang di
lumbung subake, bareng teken cacakan suwinih lan urunan
binih. Dadandane lan pipis pacikreme kanggon kembulan
usaha simpan pinjam. Ngataun sabilang Usaha Dimal utawi
Usaba Sri belianga celeng, purak dum buronang anggon ngawe
banten. Sajawaning ento sabilang nyumunin ngeek katuju
sasih karo, subake mapag yeh sambil malegan-legan
matimpungan be guling, sate, lan lawardi Bedogol empelane
ajak a-subak luh muani, cerik kelih pada girang. Lumbung
subake liu ngelah simpenan padi. Karma subake ane tusing
ngelah binih, kakurangan sangu utawi ngelah gae nadak,
nganten, kematian dadi nyilih malu di lumbung. Di subane
manyi mara ngulihang baan padi mimbuh panakne acekel ane
selae butus, utawi apersen yen itung baan pipis. Ento
awananne karma subake pada manut teken sapangarah
Wayan Madune. Jaga bayane ngalanglang di carike, magilir
sabilang peteng dadua-dadua. Ingon-ingon ane ngaricakin
pamula-mulaane, kakenen dadandan Rp100,- Sajawaning ento
buin wenang masilihin manut karusakanne. Ento awananne
carik wawengkon subak Buntehe trepti, sumungkemteken
awig-awig subake.
Duaning Made Madi ane satata getar sumringah, teteh tutur
lan alep danglep idepne, pascat tanpa cacat, dadianga
pamucuking truna-trunine di Banjar Darmajati. Yen tuuh saja
nguda, apa buin among tamatan Sekolah Dasar. Nanging buat
katajepanne tan bina kadi ipun I lalang. Cucud rajin malajah
ring sang wikan. Buku-buku Agama, wariga, kakawin lan
Usada mapinti di kamarne. Apa buin bapanne mula ketah,
kasumbung balian ane siket tur darma asih. Tan ngitung
peteng lemah lan ujan angin yen suba nulungin anak sakit.
Ento awananne matadah cara tuara rungu teken umah padidi
tuduh, uwug pacetel maraab langit. Sabilang mulih tengah
lemeng satata kurenanne ngomel; pepes intipa teken panak-
panakne luh muani raraosanne sengit.
“Bapanne, sasai kene dogen luas semengan mulih peteng.
Buin pidan bapanne maan ngajah pianak, mituturin ane madan
beneh pelih.”
“Ah, kenkenang beli nyen, Man. Semengan beli suba ka carike
magarapan, mara makire mulih saget ada anak teka ngidih
ubad. Beli amung matulung baan keneh. Dini tonden ada
Dokter, apa buin Rumah Sakit. Perawate di Poliklinik tonden
nyidaang nekain anake sakit di desa-desa ane joh di bukite lan
di carike.”
“Beneh, yen perawat utawi dokter ane magajih buina
madagang ubad tusing nyidaang nelokin anak sakit, ngengken
dadi beli ane maan sen tepu, gasek? Buina ……….
(masambung…………
Tidak ada komentar:
Posting Komentar